聲音

榮鴻曾教授邀請杜煥於1975年3月11日至6月26日（每逢星期二、四、六午膳時間）到上環富隆大茶廳演唱，完成共42節南音和龍舟錄音。
此乃杜煥瞽師演唱〈八仙賀壽〉選段之一，於1975年在富隆大茶廳錄音，此曲是其學習南音的第一首曲目。

〈八仙賀壽〉曲詞選段：
座上貴客，今日又試向各位攞個人情，吓，又嘈吵吓各位嘅發財耳喇。咁呀，望各位哩多多包涵，望各位，吓，咁呀嘈吵過各位嘅發財耳哩，各位哩一定發財順利，生意哩又成就，一帆風順，係喇，闔家團聚喇，正所謂快樂優悠過百秋。今日唱呢一支哩，就叫做〈八仙賀壽〉，咁就係鄙人所初學嗰支嘢喇，師父初初教嘢就係呢支喎。咁呀今日因為阿榮生*話唱吓呢支喇咁。咁呀，嘈吵吓各位。但願各位聽過哩，咁呀樣樣都領落。
（編按：榮生指榮鴻曾教授） 榮鴻曾教授邀請杜煥於1975年3月11日至6月26日（每逢星期二、四、六午膳時間）到上環富隆大茶廳演唱，完成共42節南音和龍舟錄音。
此乃杜煥瞽師演唱〈八仙賀壽〉選段之一，於1975年在富隆大茶廳錄音，此曲是其學習南音的第一首曲目。

〈八仙賀壽〉曲詞選段：
哪！呢個漢鍾離襯住嗰位曹王舅㗎，
佢係註人福祿壽加添，
拐李，鐵拐李隨同嗰位張果老，
吹彈奏樂係弄珠絃。
呢個藍采和作伴韓湘子，
彈板葫蘆閃眼消。
呂洞賓把筆提詩句，
又到何仙姑將寶物好喇獻入堂前。
哪！初獻寶呀，嗰件壽星袍，
仙女織成壽絹布，
賀喜長庚係春不老呀，
壽比南山節節高，
賀喜係闔家屢代係行官路呀，
代代榮華大展鴻圖。 榮鴻曾教授邀請杜煥於1975年3月11日至6月26日（每逢星期二、四、六午膳時間）到上環富隆大茶廳演唱，完成共42節南音和龍舟錄音。
此乃杜煥瞽師演唱〈八仙賀壽〉選段之一，於1975年在富隆大茶廳錄音，此曲是其學習南音的第一首曲目。

〈八仙賀壽〉曲詞選段：
捷報三圈還未了呀，
房中又報出話產麒麟。
唉滿福滔天豪傑甚，
名留萬載係古傳今。
時日係此間茶樓就來賀喜呀，
你哋添福蔭，
聽過八仙賀壽一定行好運呀，
就行好運呀，
等你各人聽過喇，就效足呢個古時人。